२० दिनमा शनिको दुई उथलपुथल, राशिचक्रका चार राशिलाई लाग्नेछ ‘दशैं’ !

एजेन्सी – वैदिक ज्योतिषशास्त्रमा ग्रहहरुको राशि परिवर्तन अर्थात गति परिवर्तन गर्नुलाई निकै महत्वपूर्ण मानिएको छ । यसअनुसार ग्रहको गोचरले सबै राशिका मानिसलगायत हरेक जीवमा प्रभाव पार्छ । यदि यो कसैका लागि फाइदाजनक हुन्छ भने यसले कसैलाई नकारात्मक प्रभाव पार्छ । अब शनिले आफ्नो चाल परिवर्तन गर्न लागेका छन्।

वैदिक ज्योतिष शास्त्रका अनुसार अक्टोबर १५ मा शनिले आफ्नो स्थिति परिवर्तन गर्नेछन् र नोभेम्बर ४ मा राशि परिवर्तन गर्नेछन्। शनिले २० दिन भित्र दुई पटक आफ्नो चाल परिवर्तन गर्नेछन्। २० दिन भित्र शनिले दुई पटक चाल परिवर्तन गर्दा निम्न राशि हुनेहरुलाई सबै भन्दा बढी लाभ मिल्नेछ।

मेष राशि – वैदिक ज्योतिषशास्त्रका अनुसार शनिको राशि परिवर्तन दुई पटक हुनु मेष राशिका जातकका लागि सबैभन्दा लाभदायक हुन्छ । यसले यस राशिका जातकहरुको आत्मविश्वास बढाउनेछ र यदि उनीहरुको जीवनसाथीको स्वास्थ्य राम्रो चलिरहेको छैन भने यो स्थितिमा सुधार आउनेछ । यस अवधिमा मेष राशिका व्यक्तिहरुका लागि सवारी साधन खरिद गर्ने योग रहेकोछ ।

व्यवसायमा मेष राशिको स्थिति निरन्तर मजबुत रहनेछ र पिताको पूर्ण सहयोग प्राप्त हुनेछ । यो समयमा कमाइको तुलनामा कम खर्च हुने भएकाले बचत हुनेछ । शनिको गति परिवर्तनले धार्मिक कार्य वा समारोहमा भाग लिने अवसर प्राप्त हुनेछ । मेष राशिका व्यक्तिहरुले शिक्षाको क्षेत्रमा सफलता प्राप्त हुनुका साथै रोकिएका धन पनि प्राप्त गर्नेछन्।

वृष राशि – वैदिक ज्योतिष शास्त्रका अनुसार २० दिनमा दुई पटक शनिको चाल परिवर्तनले वृष राशिका लागि शुभ फल दिनेछ । यसले वृष राशिको जीवन साथीको स्वास्थ्यमा सुधार ल्याउनेछ। व्यापार व्यवसायमा लाभदायक स्थिति रहनेछ। यस बाहेक आर्थिक लाभको सम्भावना रहनेछ। वृष राशिका बेरोजगार व्यक्तिहरुलाई जागिरको अवसर मिल्नेछ ।

कार्यस्थलमा काममा प्रगति हुनेछ । परिवारमा धार्मिक कार्यक्रम हुनेछ। शिक्षा क्षेत्रमा सफलता मिल्नुका साथै बौद्धिक कार्यमा पनि सकारात्मक परिणाम मिल्नेछ । यो राशिका व्यक्तिहरुले पुरानो साथीसँग भेटघाट हुनसक्छ । यस समयमा जीविकोपार्जनका नयाँ स्रोतहरू उपलब्ध हुनेछन्। सन्तानको पक्षबाट शुभ समाचार प्राप्त हुन सक्छ ।

कन्या राशि – शनिको दोहोरो परिवर्तनले कन्या राशिका व्यक्तिहरूलाई सकारात्मक परिणाम दिनेछ। यस समयमा कन्या राशिका व्यक्तिहरुको आत्मविश्वास बढ्नेछ, मन प्रशन्न रहनेछ र कार्यस्थलको अवस्था कन्या राशिका व्यक्तिहरुको लागि अनुकूल रहनेछ । कन्या राशिका व्यक्तिहरूले जागिर परिवर्तन गर्न चाहनेहरूले राम्रो प्रस्ताव पाउन सक्छन्।

यस समयमा खर्च कम हुनेछ र पारिवारिक समस्या समाधान हुनेछ। शिक्षा क्षेत्रमा सुधार हुनेछ । आम्दानीका नयाँ स्रोत खुल्नेछन् र आम्दानी बढ्नेछ। अनुसन्धान लगायतका कामका लागि विदेश जान सकिनेछ । यात्रा लाभदायी रहनेछ। नोकरीमा पदोन्नतिको अवसर मिल्नेछ । सवारी साधनको आनन्द पनि पाउन सक्छन् ।

धनु राशि – २० दिनमा दुई पटक शनिको चालमा आएको परिवर्तनले धनु राशिका जातकका लागि पनि सकारात्मक परिणाम दिनेछ । यस समयमा यस राशिका मानिसहरुको जीवनमा नयाँ वाहन आउन सक्छ । धार्मिक कार्यमा रुचि बढ्नेछ भने व्यापारव्यवसायमा वृद्धि हुनेछ । लेखन जस्ता बौद्धिक कार्यबाट मनग्गे धन लाभ हुने योग रहेकोछ ।

जागिरेहरूले काममा प्रगति वा पदोन्नतिको अवसर प्राप्त गर्न सक्दछन्। अधिकारीहरूको सहयोग प्राप्त हुनेछ र नयाँ जिम्मेवारीहरू प्राप्त हुन सक्छन्। जीवनसाथीको सहयोग मिल्नेछ । धनु राशिका विद्यार्थीले शिक्षासँग सम्बन्धित मामिलामा सुधार देख्नेछन् । धनु राशिका जातकले सन्तानबाट शुभ समाचार प्राप्त गर्नुका साथै व्यापारमा वृद्धि हुने योग रहेको छ ।