मध्यरातमा सुरु हुँदै चन्द्रग्रहण, झुक्किएर पनि नगर्नुस् यी काम !

काठमाडौं, आजको लाग्ने चन्द्रगहण नेपालभरीवाट देखिनेछ । चन्द्रमाको कुल ६ प्रतिशत भु भाग ओगटने चन्द्रग्रहण मध्यरातमा सुरु हुनेछ ।नेपाल एस्टोनोमिकल सोसाइटीका अध्यक्ष सुरेश भट्टराईका अनुसार आज कोजाग्रत पूर्णिमाको रातमा सो चन्द्रग्रहण सुरु हुनेछ ।

उनका अनुसार उक्त खण्डग्रास चन्द्रग्रहण नेपालका जुनसुकैबाट देख्न सकिने छ  भने राती २ बजेमात्रै त्यसको अनुभव गर्न सकिनेछ । यस खण्डग्रास ग्रहणको सुरुवात आज अर्थात शनिबार राति १ बजेर २० मिनेटबाट हुनेछ भने राति २ बजेर ३८ मिनेटमा सकिनेछ । जसको अधिकतम ग्रहण १ बजेर ५९ मिनेटमा देखिनेछ ।

चन्द्रग्रहण लागेका बेला विभिन्न कार्य गर्न अशुभ हुने धार्मिक विश्वास रहिआएको छ। ग्रहणको समयमा खाना खान नहुने बताइन्छ। ग्रहणको समयमा खाना खान निषेध गरिएको छ, यसो गर्नाले धन र अन्न पनि कम हुन्छ भन्ने धार्मिक विश्वास छ।

त्यस्तै ग्रहणको समयमा सुत्न नहुने पनि विश्वास गरिन्छ। ग्रहणको समयमा सुत्दा रोगले सताउने धार्मिक व्यक्तित्वहरु बताउँछन्। ग्रहणको समयमा फल र फूल टिप्न नहुने बताइन्छ।

ग्रहणको समयमा ब्रह्मचर्य पालन गर्नुपर्छ र भगवानको ध्यान गर्दा राम्रो हुन्छ। पति पत्नीले शारीरिक सम्बन्धबाट टाढा रहनु पर्ने हुन्छ। ग्रहणको समयमा वा पछि जुनसुकै समयमा चोरी, झूट बोल्ने, कसैलाई धोका दिने, झगडा गर्ने, समस्यामा पार्ने, मासु र मदिरा सेवन गर्ने जस्ता कार्यहरू गर्न वर्जित गरिएको छ।